Germaniýanyň Baş ştabynyň başlygy Karsten Broýer "Welt am Sonntag" gazedine beren beýanatynda, "uruşa taýar ýagdaýa gelmegiň" tapgyrdygyny belläp: "Emma biziň çäksiz wagtymyz ýok, sebäbi Sowuk söweşiň gutarmagyndan bäri ilkinji gezek ähtimal bir söweş bize daşarydan aýdylýar. Analitikleri diňlänimde we Russiýadan harby howp abanmagynyň mümkindigini görenimde, bu biziň üçin 5 bilen 8 ýyl aralygynda taýýarlyk wagtyny aňladýar" diýip nygtady.
Onuň şol wagt söweş başlajakdygy manysyna gelmeýändigini aýdan Karsten Broýer: "Emma bu mümkin we harby bolandygym üçin 5 ýylyň içinde söweşe taýyn bolmagymyzyň zerurdygyny aýdýaryn" diýip belledi.
Germaniýa 2 ýyl ozal Russiýa-Ukraina urşy başlanandan soň, goranmak bilen bagly çykdajylaryny uly mukdarda artdyrmak barada karara geldi we ösen ýarag ulgamlaryny satyn almak we ýaragly güýçlerini döwrebaplaşdyrmak üçin 100 milliard ýewro ýörite gazna döretdi.
Hökümet Amerikan önümi bolan F-35 harby uçarlaryny, Chinook transport dikuçarlaryny we Ysraýyl önümi bolan Arrow-3 raketa goranyş ulgamyny satyn almak ýaly köp sanly şertnama gol çekdi.