Gaza zolagynyň tapawutly ýerlerinde şu gün irdenden bäri Ysraýyl tarapyndan guralan hüjümlerde aralarynda 6 çaga bolan azyndan 26 palestinaly öldürildi.
Gaza zolagynyň demirgazygyndaky Beýt Hanun şäherçesinde artilleriýa toplary bilen guralan hüjümleriň netijesinde 2 palestinaly ýogaldy.
Gaza şäherinde guralan 3 aýry howa hüjüminde 21 palestinaly ýogaldy.
Gaza şäheriniň Az-Zeýtun etrapçasyndaky Zeýtun şehitleri mekdebine guralan hüjümde 2-si çaga, 1-i zenan jemi 5 palestinaly ýogaldy.
Ysraýylyň Gaza zolagynyň ortasyndaky Al-Megazi bosgun düşelgesindäki öýleriň birine guran hüjüminiň netijesinde azyndan 2 palestinaly ýogaldy.
Gaza zolagynyň günortasyndaky Han Ýunus şäheriniň Attar diýilýän ýerindäki bosgun düşelgesine guralan hüjümde bolsa 1 palestinaly ýogaldy.
Ysraýyl Gazada uruşyň başlan güni bolan 2023-nji ýylyň 7-nji oktýabryndan bäri öz ýaşaýan ýerlerinden gaýtmaga mejbur galan müňlerçe palestinalynyň sygynan mekdeplere hüjüm guramaga dowam edýär.
Ysraýylyň 2023-nji ýylyň 7-nji oktýabryndan bäri Gaza zolagyna guraýan hüjümlerinde azyndan 16 müň 715-i çaga, 11 müň 308-i zenan bolmak bilen 41 müň 108 palestinaly ýogaldy, 95 müň 280 palestinaly bolsa ýaralandy.