Geçen ýyl Ýerde meýdany Şweýsariýanyň ýa-da Niderlandlaryňka barabar bolan tropik tokaýlyklar ýitirim boldy. Emeli hemra arkaly alnan maglumatlar seljerilende, bu möhüm ekoulgamlaryň aglaba bölegi oba hojalygy we maldarçylyk üçin ýok edilipdir. Munuň şeýledigini Waşingtondaky Bütindünýä ätiýaçlyklar institutynyň (WRI) hemra arkaly alnan maglumatlary subut edýär.
Geçen ýyl gije-gündiziň dowamynda her bäş sekuntdan meýdany futbol meýdançasynyň ululygyna barabar tropiki tokaýlyklar kesilipdir ýa-da ýanyp ýok bolupdyr. Bu mukdar 2021-nji ýyldaka garanyňda, 10% köpdür.
“Global Forest Watch” (GFW) hemra gözegçilik platformasy 2022-nji ýylda planetanyň biodürlüligi we uglerodyň saklanmagy üçin möhüm bolan 4,1 million gektardan gowrak tropik tokaýlaryň weýran bolandygyny hasaba aldy.
Iň köp zyýan çeken ýurt Braziliýa bolup, oňa ählumumy ýitgileriň 43%-i düşýär, ondan soň Kongo Demokratik Respublikasy (13%) we Boliwiýa (9%) gelýär.