25-nji iýunda Minsk şäherinde GDA agza döwletleriň hemişelik doly ygtyýarly wekilleriniň Geňeşiniň nobatdaky mejlisi geçirildi. Oňa Türkmenistan wekili hem gatnaşdy.
Duşuşykda hemişelik wekiller GDA-nyň hökümet Baştutanlarynyň Geňeşiniň şu ýylyň 24-nji maýynda Aşgabat şäherinde geçirilen mejlisiniň netijelerini jemlediler we kabul edilen resminamalary we ylalaşyklary ýerine ýetirmek boýunça wezipeleri beýan etdiler.
Mundan başga-da, GDA agza döwletleriň hemişelik doly ygtyýarly wekilleriniň Geňeşiniň agzalary Hemişelik doly ygtyýarly wekilleriň Geňeşi baradaky Düzgünnamanyň täze redaksiýasynyň taslamasyny ara alyp maslahatlaşdylar. Şeýle-de GDA agza döwletleriň hemişelik doly ygtyýarly wekilleriniň Geňeşiniň agzalary 7-8-nji oktýabrda Moskwada geçirilmegi meýilleşdirilýän GDA agza döwletleriň daşary işler ministrleriniň Geňeşiniň we GDA-nyň döwlet Baştutanlarynyň Geňeşiniň mejlisleriniň gün tertibi baradaky tekliplere garadylar.