12-nji oktiýabrda Nur-Soltan şäherinde Aziýada özara täsiri we ynamy pugtalandyrmak çäreleri barada Maslahata girýän ýurtlaryň (AÖTYPÇM) daşary işler ministrleriniň mejlisi geçdi. Oňa gatnaşmak üçin Raşid Meredowyň ýolbaşçylygyndaky türkmen delegasiýasy Gazagystana barypdy.
Bu saparyň dowamynda Meredowy Gazagystanyň prezidenti Kasym-Jomart Tokaýew kabul etdi diýip onuň metbugat gullugy habar berýär.
Duşuşygyň dowamynda gazak-türkmen syýasy we söwda-ykdysady gatnaşyklary pugtalandyrmagyň perspektiwalary şeýlede, sebitiň howpsuzlygy barada gürrüň edildi.
DIM-niň başlygy prezident Berdimuhamedowyň Tokaýewi Türkmenistana döwlet saparyny etmek baradaky çakylygyny gazak prezidentine ýetirdi. Tokaýew bolsa, ýakyn wagtlarda Aşgabada sapar etjekdigini tassyklady.
Soňra Meredow ministrleriň duşuşygyna gatnaşdy we “Türkmenistana AÖTYPÇM-a synçy döwlet durumynyň berilmeginiň ähmiýeti” barada belledi diýip DIM maglumat berýär.
“Türkmenistan AÖTYPÇM işleri guralan prinsipleri we wezipeleri has dogrusy, syýasy dialogyň we hyzmatdaşlygyň kömegi bilen umumy sebitara hem halkara howpsuzlygy pugtalandyryp, Aziýa kontingentinde parahatçylygy we howpsuzlygy gazanmagy goldaýar” diýip emeldar nygtady.
Şeýlede ministr 12-nji dekabrda Aşgabatda geçjek “Parahatçylyk we ynam syýasaty—Halkara howpsuzlygyň, durnuklylygyň we ösüşiň esasy”atly ýygnaga gatnaşmaga kärdeşlerini çagyrdy.
Gazagystanda Raşid Meredow Hindistanyň DIM Subrahmaniýam Jaýşankar bilen hem ikitaraplaýyn gepleşikler geçirdi.
Emeldarlar ikitaraplaýyn hyzmatdaşlyk, “Merkezi Aziýa-Hindistan” dialogynyň çäginde özara işler we TOPH gaz geçirijiniň gurluşygy barada gürrüň etdiler.The post Gazagystana sapar edýän Meredow prezident Kasym-Jomart Tokaýewi Türkmenistana çagyrdy first appeared on Türkmenistanyň Hronikasy.