Gazagystan Özbegistanyň 2023-nji ýylyň birinji ýarymynda daşary söwda hyzmatdaşlarynyň ilkinji üçlügine girdi diýip, Kazinform habar berdi.
Özbegistan Respublikasynyň Statistika edarasynyň maglumatlaryna laýyklykda, ýanwar-iýun aralygynda ýurduň daşary söwda dolanyşygy 29,2 milliard dollara deň boldy, bu geçen ýylyň degişli döwründäkiden 4,7 mlrd dollar ýa-da 19,4 göterim artykdyr.
Häzirki wagtda Özbegistan dünýäniň 183 ýurdy bilen söwda gatnaşyklaryny alyp barýar. Ýurduň esasy söwda hyzmatdaşy Hytaýdyr, iki döwletiň arasynda söwda dolanyşygy 5,2 mlrd dollara ýetdi (umumy möçberiň 18,1 göterimi). Ikinji orunda 4,4 mlrd dollar görkeziji bilen Russiýa (15,1göterim), üçünji orunda 2,19 mlrd dollar görkeziji (7,5 göterim) bilen Gazagystan durýar.
Umumy söwda dolanyşygynyň düzüminde Özbegistan Gazagystana 699,3 mln dollarlyk haryt eksport, import 1496,2 mln dollary düzdi.