Gazadaky hökümediň Metbugat ofisinden berilen ýazmaça beýanatda, Gaza zolagyndaky Palestinanyň Maglumatlar merkeziniň müdüri Ryzk al-Garableniň, Ysraýyl goşunynyň Han Ýunus şäherindäki asuda ilatly ýerlere garşy guran hüjümlerinde ýogalandygy habar berildi.
Beýanatda Ysraýylyň hüjümlerinde öldürilen žurnalistleriň sanynyň 123-e ýetendigi mälim edildi.
Beýleki tarapdan Ysraýyl goşunynyň 22-nji ýanwardan bäri Gaza zolagynyň günortasyndaky Han Ýunus şäherine garşy guraýan hüjümleriniň artdyryp dowam etdirýändigi aýan edildi.
Hamasyň harby şahasy Kassam topary 7-nji oktýabrda Ysraýyla garşy "Aksa Tupany" ady bilen giň gerimli hüjümler başladandygyny mälim edipdi.
Ysraýylyň goşuny hem şoňa jogap hökmünde harby uçarlary bilen Gaza sektoryna garşy "Demir Gylyçlar" operasiýasyny başladandygyny habar beripdi.
Başdan geçirilýän dartgynlykda aglabasy çagalardan we zenanlardan ybarat bolan 28 müňden gowrak palestinaly ýogaldy.