Ysraýylyň harby goşunynyň Gaza Sektoryna garşy 7-nji oktýabrdan bäri guraýan hüjümlerinde öldürlen palestinalylaryň sany 26 müň 900 adama ýetdi.
Palestinanyň saglygy goraýyş ministrliginiň metbugat geňeşçisi Eşref Al Kudra, Ysraýylyň 117 günden bäri Gaza Sektoryna garşy guraýan hüjümleri hakynda maglumat berdi.
Ysraýylyň howpsuzlyk güýçleriniň düýn Gaza sektorynda ýene-de 150 palestinalyny öldürendigini, 313 palestinalyny hem ýaralandygyny aýdan Kudra, Gazada 7-nji oktýabrdan bäri öldürlen palestinalylaryň sanynyň 26 müň 900, ýaralananlaryň sanynyň hem 65 müň 949 adama ýetendigini belledi.
Beýleki tarapdan Gaza Sektorynyň demirgazygynda ýerleşýän Beýt Lahiýada Ysraýyl tarapyndan gabaw astyna alynan mekdepde elleri we gözleri daňylan 30 adamyň jesedi tapyldy.
Ysraýylyň Ýesirler jemgyýeti bu wakanyň Ysraýylyň edýän gyrgynçylygyny açyk aýdyň görkezýändigini mälim etdi.
Bütindünýä Saglygy goraýyş guramasynyň Adatdan daşary ýagdaýlar bölüminiň direkdotyr Maýk Raýan, Gazadaky halkyň açlykdan ölýändigini mälim etdi.
Raýan, Bütindünýä Saglygy goraýyş guramasynyň hepdelik metbugat ýygnagynda “Gazanyň halky açlykdan ölýär, olaryň bu çaknyşyk bilen hiç hili arabaglanşygy ýok” diýdi.