Palestinanyň Prezidenti Mahmud Abbas, Gaza Sektorynda ikinji uly betbagçylygyň we taryhda deňi-taýy görülmedik genosidiň başdan geçirilýändigini nygtady.
Abbas, Palestinanyň azatlyk göreşiniň esasy simwollaryndan biri hökmünde kabul edilýän Palestinanyň ilkinji Prezidenti Ýaser Arafadyň aradan çykan gününiň 20-nji ýylynda eden çykyşynda palestin halkynyň agyr günleri başdan geçirýändigini ýatlatdy.
Abbas, “Gaza Sektorynda ikinji Nakba ýagny uly betbagtçylyk başdan geçirilýär. Halkymyz taryhda deňi-taýy görülmedik genoside sezewar bolýar. Müňlerçe adam ýogalýar we ýaralanýar. Her ýer ýykylýar. Ynsanlar öýsüz-öwzarsyz galýar” diýdi.
Abbas, Ysraýylyň Gazany harabalyga öwürendigini we Gazanyň demirgazygynda başdan geçirilýän wakalaryň munyň anyk subutnamasydygy belledi.
Mahmud Abbas, palestin halkynyň barlygynyň we Palestina meselesiniň ortadan aýrylyp bilinmejekdigini ýatlatdy.