Ysraýylyň guraýan hüjümleri sebäpli Gaza Sektorynda 115-i 7-nji oktýabrdan soň doglan bäbek bolmak bilen jemi 16 müň 589 çaga ýogaldy.
Gazadaky hökümetiň metbugat gullugyndan berlen beýannamada, “Çagalar, Ysraýylyň 325 günden bäri guraýan hüjümleriniň gurbany bolmaga dowam edýär” diýildi.
Beýannamada görä, Ysraýylyň hüjümlerinde 16 müň 589 çaga ýogaldy, 17 müň çaganyň ýa ejesi ýada kakasy ýogaldy.
Ysraýylyň bökdençlikleri sebäpli 3 müň 500 çaga hem ölüm howpuna sezewar.
Azyk we derman ýetmezçiligi sebäpli göwreli 60 müň zenan hem agyr günleri başdan geçirýär.
Ysraýylyň hüjümlerinde ýogalanlaryň 69 göterimi zenanlardan we çagalardan ybarat.
Ysraýylyň 7-nji oktýabrdan bäri Gaza Sektoryna garşy guraýan hüjümlerinde ýogalan 40 müň 435 palestinalynyň jesedi tapyldy. Dereksiz ýiten 10 müň adam bilen birlikde jemi ýogalanlaryň sany 50 müň 435 adama ýetdi.