Palestinanyň Gaza zolagyndaky Saglygy goraýyş ministrliginden berilen ýazmaça beýanatda, Gazanyň demirgazygyndaky Indoneziýa hassahanasynyň işlemegini bes edendigi, indi kesellän we ýaralanan adamlara hyzmat berip bilmeýändigi aýan edildi.
Beýanatda Gaza zolagynyň demirgazygynda ozal Kemal Adwan, Beýt Hanun we Indoneziýa bolmak bilen 3 döwlet hassahanasynyň bolandygy we indi bolsa ählisiniň Ysraýyl tarapyndan ýapylyp, ýumrulandygy mälim edildi.
Saglyk hukugynyň ähli kanunlar we konwensiýalar bilen kepillendirilen hukukdygyna ünsler çekilen beýanatda, degişli halkara taraplara ölümiň bosagasyndaky çagalar, hamyla zenanlar, keselli we ýaralanan adamlar bolmak bilen müňlerçe palestinanyň elinden alynan şol hukugyň ýaňadandan ýola goýulmagy üçin Ysraýyla basyş edilmegi barada çagyryş berildi.