BMG-nyň Ýakyn Gündogardaky Palestinaly bosgunlara kömek we jemgyýetçilik işleri agentliginiň (UNRWA) X hasabyndan berilen beýanatda, sowuk howa we ýaşaýyş ýerleriniň ýeterlik derejede bolmazlygynyň, Ysraýylyň hüjümleriniň astyndaky Gaza zolagynda täze dogulan bäbekleriň ýogalmagyna sebäp bolýandygy habar berildi.
Gazada 7 müň 700 bäbegiň janlarynyň halas edilmegi üçin zerur bolan kömeklerden mahrumdyklary bellenen beýanatda, şu günki güne çenli azyndan 7 bäbegiň sowuk howa sebäpli ýogalandygy mälim edildi.
Bütindünýä Saglygy goraýyş guramasynyň Ysraýylyň goşunynyň hüjümleri bilen Kemal Adwan hassahanasyny ulanyp bolmajak ýagdaýa getirendigi bellenen beýanatda, Kemal Adwan hassahanasyna we onuň töweregine 2024-nji ýylyň oktýabr aýyndan bäri 50 aýry hüjümiň guralandygynyň anyklanandygy aýan edildi.
Beýanatda şeýle hem Kemal Adwan hassahanasynyň müdiri Husam Abu Safiýeniň boşadylmagy talap edildi.