Eýranyň Türkmenistandaky söwda attaşesi Rahmatulla Hormali (Rahmatollah Khormali) iki ýurduň arasyndaky söwda gatnaşyklarynyň peselemeginiň esasy sebäbi energiýa nyrhlarynyň arzanlamagy boldy diýdi. Ol bu barada 2-nji iýulda, Eýarnyň Gülüstan welaýatynyň biznesmenleri bilen duşuşanda aýdy diýip, IRNA habar gullugy habar berdi.
Hormali “Türkmenistanyň hökümeti uzak möhletli senagat programmasyna başlady we täze energiýa bazarlaryny gözleýär” diýdi. Х
“Bize düşünmek gerek, Türkmenistan özüniň energiýa syýasatyny üýtgedýär we onuň energiýa serişdeleriniň bazary eýýäm ozalky bolşy ýaly däl, şu sebäpden biz bu ýurtdaky ösüş ýagdaýyny yzarlamaly” diýip, diplomat aýtdy.
Eýranyň Milli gaz kompaniýasynyň başlygy Hamid Reza Araki maý aýynyň ahyrynda, eger bahasy arzanladylsa, Eýran türkmen gazyny satyn almagyny dowam etdirip biler diýdi.Eger Türkmenistan Eýranyň şertleri bilen ylalaşmasa, eýran tarapy halkara arbitraž suduna şikaýat bilen ýüz tutar diýip, ol sözüniň üstüni ýetirdi.
Ýatladýarys, 2016-njy ýylyň aýagýynda Eýran bilen Türkmenistanyň arasynda, “Türkmengaz” EMGK-dan $1,8 milliarddan $2 milliarda çenli möçberdäki bergisini tölemegi talap edeninden soň, galmagal turdy.
Eýran habar serişdeleriniň maglumatyna görä, uzak gepleşiklerden soň, taraplar özara ylalaşyga geldiler.Emma muňa garamazdan, Türkmenistan 2017-nji ýylyň 1-nji ýanwartyndan Eýrana gaz ibermegini kesdi.