Woleýbol boýunça erkekleriň arasynda Italiýadyr Bolgariýada geçirilen 19-njy Dünýä kubogynda Polşanyň ýygyndysy ýeňiji boldy.Polýaklar finalda Braziliýanyň ýygyndysyndan 3:0 (28:26, 25:20, 25:23) hasabynda üstün çykyp, bassyr 2-nji, umumylykda-da 3-nji gezek çempion diýen ady eýeledi.
Polşanyň ýygyndysy 2014-nji we 1974-nji ýylda-da çempionlyk gazanypdy.Polýaklar geçenki çempionatyň finalynda-da Braziliýany utupdy.Yzly-yzyna 5-nji gezek finala çykyp, şolaryň 3-sinde çempionlyk gazanan Braziliýa umumylykda 3-nji sapar finalda ýeňlişe sezewar boldy.
Polşanyň ýygyndysy ýarym finalda kynlyk bilen ABŞ-nyň ýygyndysyny 3:2 (25:22, 20:25, 23:25, 25:20, 15:11) hasabynda ýeňipdi.Braziliýanyň ýygyndysy bolsa, Serbiýany 3:0 (25:22, 25:21, 25:22) hasaby bilen utupdy. Çempionatyň iň gymmatly oýunçysy diýlibem polşaly Bartoş Kurek saýlandy. Çempionatda 3-nji orny Serbiýadan 3:1 (23:25, 25:17, 32:20, 25:19) üstün çykan ABŞ-nyň ýygyndysy eýeledi.9-njy sentýabrda başlanan 19-njy Dünýä Kubogyna 5 yklymdan 24 ýygyndy gatnaşyp, oýunlar Italiýadyr Bolgariýanyň 9 şäherinde geçirildi. Ýygyndylar 1-nji tapgyrda 6 toparly 4 toparçada, 2-nji tapgyrda 4 toparly 4 toparçada, 3-nji tapgyrda-da 3 toparly 2 toparçada bäsleşdiler.Ilkinji gezek 1949-njy ýylda geçirilen ýaryş her 4 ýyldan bir gezek guralýar.
Ozalky Soýuzyň ýygyndysy 6 çempionlyk bilen bu ugurda öňde barýar.Braziliýadyr Italiýa hem-de Polşa 3, ozalky Çehoslowakiýa 2, Gündogar Germaniýa bilen ABŞ 1 gezek çempion bolmagy başardy.