UEFA Milletler Ligasynda “A” Liganyň 4-nji toparçasynda Niderlandlaryň ýygyndysy myhmançylykda Belgiýanyň ýygyndysy bilen duşuşdy. Çekeleşikli geçen oýunda Niderlandlar 4-1 hasabynda ýeňiş gazandy.Bergweýniň (40), Depaýyň (51, 65) hem-de Dumfrisiň (61) gollary bilen 4-0 öňe saýlanan Niderlandlaryň derwezesinden ýeke-täk goly Belgiýanyň adyndan 90-njy minutda Miçu Batşuaýi geçirdi. Şeýlelikde, Milletler Ligasynyň täze möwsümine şowly başlan Niderlandlar XXI asyra geçip, Belgiýanyň ilkinji gezek ýeňlişe sezewar etdi.
Niderlandlar soňky gezek Belgiýany 1997-nji ýylyň sentýabrynda ýeňipdi.
Duşuşykda 2 gol geçiren Memfis Depaýyň milli ýygyndydaky gollarynyň sany 41-e ýetdi. Ol bu ugurda Patrik Klýuwertden öňe saýlandy. Depaý ýene-de 9 gol geçirse, Robin Wan Persiniň rekordyna şärik bolar.