Los Anjeles futbol topary welsli futbolçy Garet Beýl bilen transfer şertnamasyny baglaşandygyny yglan etdi.
Madridiň Realynyň ozalky ýarymgoragçysy amerikan futbol topary bilen 1 ýyllyk şertnama baglaşdy we futbolçynyň bu şertnamany geljekde 18 aýa çenli uzaltmagy hem mümkindir.
Beýl Ispaniýanyň futbol boýunça ligasynyň geçen möwsüminde Real toparynyň düzüminde 5 duşuşyga gatnaşyp 1 gol geçirdi.
Los Anjeles topary bolsa MLS-iň Günbatar konferensiýasynda geçen 16 tapgyrdan soň ilkinji orny eýeleýär.
Los Anjeles toparynda başga-da meşhur futbolçylardan 33 ýaşly meksikaly hüjümçi Karlos Wela hem-de toparyň düzümine ýakynda iýun aýynda goşulan 37 ýaşly Jorjo Kiýellini çykyş edýär.
32 ýaşly Garet Beýl Welsiň milli ýygyndysynda häzire çenli iň köp gol geçiren futbolçydyr (37 gol). Futbolçy Madridiň Realynyň düzüminde bolsa 5 gezek UEFA-nyň Çempionlar ligasynyň ýeňijisi boldy.