Çuňňur hormatlanylýan Türmenistanyň Prezidenti!
Sizi Türkmenistanyň milli manadynyň dolanyşyga girizilmeginiň 31 ýyllygy bilen tüýs ýürekden gutlaýarys.Garaşsyz, hemişelik Bitarap Türkmenistanyň bank ulgamynyň işgärlerine we ähli halkyna iberen çuňňur many-mazmuna ýugrulan Gutlagyňyz üçin Size tüýs ýürekden sagbolsun aýdýarys.
Berkarar döwletiň täze eýýamynyň Galkynyşy döwründe Siziň parasatly baştutanlygyňyzda ykdysadyýetiň beýleki pudaklary bilen bir hatarda, ýurdumyzyň bank ulgamynda hem uly üstünlikler gazanylýar, ýeke-täk döwlet pul-karz syýasaty netijeli alnyp barylýar.
Siziň çuňňur oýlanyşykly ykdysady syýasatyňyz esasynda Pähimpaýhas ummany Magtymguly Pyragy ýylynda hem bu ugurda ägirt uly işler amala aşyrylýar, öňde goýlan beýik maksatlara ýetilýär.
Arkadagly Gahryman Serdarymyz!
Siziň baştutanlygyňyzda ykdysadyýetiň ähli pudaklaryna sanly tehnologiýalary, dünýäniň öňdebaryjy döwletleriniň tejribesini we täzeçil usullaryny ornaşdyrmak, milli töleg ulgamyny yzygiderli kämilleşdirmek, sanly bank hyzmatlarynyň görnüşlerini artdyrmak, banklaryň bäsdeşlige ukyplylygyny ýokarlandyrmak işleri üstünlikli durmuşa geçirilýär.
Bank işiniň dürli ugurlaryny döwrebaplaşdyrmak, nagt däl hasaplaşyklary kämilleşdirmek, sanly ulgamda Internetbank, Mobil-bank, Elektron söwda, Halkbank terminal, Overdraft, Sanly kart, Sanly karz, Sanly töleg, Menzilara bank, VISA Virtual, Cash back höweslendiriş hyzmaty ýaly bank hyzmatlaryny giňden ornaşdyrmakda netijeli işler alnyp barylýar.
Halkara tölegleri amala aşyrmak üçin onlaýn görnüşde ýüzlenmäge, daşary ýurtlaryň ýokary okuw mekdeplerinde okaýan hem-de ýurdumyzyň çäginden daşarda saglygynyň bejerilmegi zerur bolan raýatlarymyz üçin milli puly daşary ýurt puluna çalyşmaga, şol sanda halkara VISA we MasterCard bank kart hasaplaryny onlaýn görnüşde doldurmaga mümkinçilik berýän sanly töleg ulgamlary işe girizildi.
Milli karz edaralarynyň işini kämilleşdirmek, erkin pul serişdelerini netijeli dolanyşyga çekmek, ulgama sanly tehnologiýalary giňden ornaşdyrmak, hasaplaşyklaryň döwrebap we ygtybarly usullaryny ösdürmek, ulgamlaýyn innowasion ösüşi üpjün etmek boýunça uly üstünlikler gazanylýar.
Sarpasy belent Prezidentimiz!
Ýurdumyzyň bank ulgamynyň işi yzygiderli kämilleşdirilýär, raýatlara hödürlenilýän hyzmatlar ulgamyna dünýä tejribesini, öňdebaryjy usullary we täze tehnologiýalary ornaşdyrmak, ýerine ýetirilýän hyzmatlaryň hilini has-da ýokarlandyrmak maksady bilen, banklaryň täze, häzirki zaman binalary gurulýar, maddy-enjamlaýyn binýady yzygiderli pugtalandyrylýar.
Siziň ak pata bermegiňizde geçen ýylyň iýunynda Köpetdagyň eteginde bina edilen, döwrüň iň ýokary ýaşaýyş medeniýetini üpjün etmäge hyzmat etjek we durmuşyň ähli ugurlaryny gurşap alýan binalardyr desgalaryň hatarynda Arkadag şäheriniň merkezi banky, Daýhanbank, Türkmenistan döwlet täjirçilik we Halkbank, Senagat paýdarlar täjirçilik banklary täze şäheriň bank ulgamyny emele getirýär.
Munuň özi Siziň ýurdumyzyň bank ulgamynyň has-da netijeli işlemegi babatda edýän tagallalaryňyzyň aýdyň beýanydyr.
Çuňňur hormatlanylýan Prezidentimiz!
Berkarar döwletiň täze eýýamynyň Galkynyşy döwründe milli ykdysadyýetimiziň uzak möhletleýin durnukly ösüşini üpjün etmekde ykdysadyýetiň maliýe böleginiň hem-de pul-karz syýasatynyň kämilleşdirilmegi, milli puluň hümmetiniň berkidilmegi möhüm ähmiýete eýedir.
Türkmenistanyň bank ulgamyny ösdürmegiň 2011 — 2030-njy ýyllar üçin Döwlet maksatnamasyna, Türkmenistanda 2019 — 2025-nji ýyllarda sanly ykdysadyýeti ösdürmegiň Konsepsiýasyna, Berkarar döwletiň täze eýýamynyň Galkynyşy: Türkmenistany2022 — 2052-nji ýyllarda durmuş-ykdysady taýdan ösdürmegiň Milli maksatnamasyna laýyklykda, bank ulgamyny ösdürmek, bank işjeňliginiň kadalaşdyryjy hukuk binýadyny döwrebaplaşdyrmak, sanly bank hyzmatlarynyň görnüşlerini giňeltmek we hilini has-da ýokarlandyrmak babatda maksatnamalaýyn işler alnyp barylýar. Ýokary amatlyklary bolan ýaşaýyş jaýlaryny satyn almak üçin berilýän ýeňillikli karzlaryň, sarp ediş karzlarynyň, ýaş maşgalalara olaryň ýaşaýyş-durmuş şertlerini has-da gowulandyrmak üçin berilýän ýeňillikli karzlaryň möçberini yzygiderli artdyrmak, töleg ulgamyny kämilleşdirmek boýunça uly işler durmuşa geçirilýär.
Belent mertebeli Prezidentimiz!
Türkmenistanyň bank ulgamynyň işgärleriniň netijeli işlemegi üçin döredýän ähli şertleriňiz hem-de mähirli Gutlagyňyz üçin Size ýene-de bir gezek tüýs ýürekden sagbolsun aýdýarys.Türkmenistanyň halkara maliýe derejesini pugtalandyrmak we abraýyny ýokarlandyrmak, bank ulgamynyň innowasion häsiýetli ösüşini üpjün etmek, halkara maliýe guramalary, sebitleýin ösüş banklary bilen hyzmatdaşlygy has-da giňeltmek, ykdysady taýdan ähmiýetli pudaklary karzlaşdyrmagy kämilleşdirmek maksady bilen, Halkara pul gaznasy, Bütindünýä banky, Aziýanyň ösüş banky, Yslam ösüş banky, Ýewropanyň täzeleniş we ösüş banky ýaly abraýly halkara maliýe guramalary hem-de Fitch Ratings halkara reýting agentligi bilen özara bähbitli hyzmatdaşlygy ösdürmek boýunça öňde goýlan wezipeleri üstünlikli amala aşyrmakda gujur-gaýratymyzy gaýgyrmajakdygymyza ynandyrýarys.
Siziň janyňyz sag, ömrüňiz uzak, belent başyňyz aman bolsun, il-ýurt bähbitli, umumadamzat ähmiýetli alyp barýan tutumly işleriňiz mundan beýläk-de rowaç bolsun!
Sizi çuňňur hormatlamak bilen,
Türkmenistanyň bank ulgamynyň işgärleri.
"Türkmenistan" gazeti, 02.11.2024