Nigeriýanyň suw giňişliginde 23-nji ýanwarda garakçylar tarapyndan zamun alynan 15 türk deňizçisi halas edildi.
Deňizçileriň saglyk ýagdaýynyň gowudygy habar berildi.
Nigeriýanyň Lagos şäherinden Günorta Afrika tarap barýan merkezi Britaniýada ýerleşýän Borealis firmasyna degişli Mozart atly gämä operasiýa guran garakçylar gäminiň 19 ekipažyndan 15-ni zamun alypdy.
28-nji ýanwarda deňiz garakçylary bilen ilkinji aragatnaşygyň saklanmagyndan soň şu gün buşlukly habar geldi.
Germaniýanyň Gamburg şäherinden gönükdirlen operasiýa netijesinde 15 türk deňizçisi halas edildi.
TRT Haber kanalyna beýanat beren firmanyň ýolbaşçysy Lewent Karsan, “Türk deňizçileri Nigeriýa getirildi we saglyk gözegçiliginden geçirlenden soň Türkiýä getirler” diýdi.
Daşary işler ministri Mewlüt Çawuşoglu hem halas edilen türk raýatlarynyň THÝ-nyň uçary bilen Türkiýä getiriljekdigini aýtdy.
Çawuşoglu, türk raýatlarynyň saglyk ýagdaýynyň gowudygyny belledi.