Gündogar Gara deňiz eksportçylar birleşiginiň dolandyryş geňeşiniň başlygy Saffet Kalýonju, Gara deňzden şu ýylyň ýanwar-oktýabr aýlary aralygynda dünýäniň 31 ýurduna 49 müň 811 tonna deňiz önümleriniň eksport edilendigini habar berdi.
Eksportdan 313 million 952 müň 250 dollar girdeji alynandygyny aýdan Kalýonju, 39 müň 245 tonna eksportdan 257 million 714 müň 841 dollar girdeji alynandygyny, onuň bolsa geçen ýylyň şol bir döwrüne garanyňda mukdar taýdan 27 göterim, gymmatlygy taýdan bolsa 22 göterim artandygyny mälim etdi.
Kalýonju, iň köp eksportuň 150 million 897 müň 293 dollar bilen Russiýa Federasiýasyna amala aşyrylandygyny, bu ýurtdan soň 32 million 160 müň 168 dollar bilen Gollandiýa, 26 million 610 müň 369 dollar bilen hem Beýik Britaniýa ýaly ýurtlaryň gelýändigini beýan etdi.