Norwegiýa bilen Fransiýa, Ukrainanyň Odessa portundan galla ýüklenen ilkinji gäminiň ugramagynda esasy rol oýnan BMG bilen Türkiýä minnetdarlyk bildirdi.
Norwegiýanyň Daşary işler ministrliginden berlen beýannamada, düýn Ukrainadan ugran galla ýüklenen gäminiň halkara azyk krizisiniň ortadan aýrylmagy taýdan möhüm başlangyçdygy nygtaldy.
Beýannamada, BMG-na we Türkiýä galla koridorynyň açylmagynda uly rol oýnandyklary üçin minnetdarlyk bildirildi.
Beýannamada, Stambulda gazanylan galla ylalaşygynyň dowam etdirilmeginiň möhümdigini nygtaldy.
Fransiýanyň Daşary işler ministrliginden berlen beýannamada, galla ýüklenen ilkinji gäminiň ugramagynyň Ukrainadaky gallanyň we azyk önümleriniň howpsyz ýagdaýda eksport edilmegi taýdan iňňän möhümdigini bellenildi.
Beýannamada, “Fransiýa, BMG bilen Türkiýä galla eksportynda uly rol oýandygy üçin minnetdarlyk bildirýär” diýildi.
Polşanyň Daşary işler ministri Rau, Daşary işler ministri Mewlüt Çawuşogluna telefon edip, Prezident R. T. Erdoganyň ýolbaşçylygynda Russiýanyň, Ukrainanyň we BMG-nyň arasynda gazanylan galla ylalaşygy bilen gutlady.
Italiýanyň Daşary işler ministrliginiň Twitterden beren habarnamasynda, “Italiýa, galla ýüklenen ilkinji gäminiň Odessa portundan ugramagyna hoşallyk bildirýär” diýildi.
Şwesiýanyň Daşary işler ministri Linde hem galla ýüklenen gäminiň halkara azyk ýetmezçiliginiň ortadan aýrylmagyna uly goşant goşjakdygyny belledi.
Milli Goranmak ministrligi, düýn irden Ukrainanyň Odessa portyndan galla ýüklenen ilkinji gäminiň ugrandygyny habar beripdi.
Beýannamada, Liwanyň Tripoli portuna gitmek üçin Odessadan ugran mekgejöwen ýüklenen Razoni atly gäminiň şu gün Stambula geljekdigi bellenildi.