Smartfonlaryň tehniki aýratynlyklaryna baha berýän “DxOmark” şereketi iň gowy ekranly smartfonlaryň sanawyny mälim etdi.Sanawda “Samsung Galaxy Note20 Ultra” iň ýokary baha mynasyp boldy.Enjam “OnePlus 8 Pro” smartfonyndan sähelçe tapawut bilen öňe saýlandy.
Aslynda “DxOmark” smartfonlaryň sesine we kamerasynyň durulygyna baha berýär.Täze geçirilen ekran testinde “Galaxy Note20 Ultra” 89 bal aldy. 88 bal alan “OnePlus 8 Pro” ikinji boldy. Üçünji ýeri hem 87 bal bilen “Samsung”-a degişli bolan “Galaxy S20 Ultra 5G” aldy. “Apple iPhone 11 Pro Max” dördünji, “TCL 10 Pro” bolsa bäşinji ýerleri eýeläpdir. “DxOmark” bary-ýogy 9 smartfona baha beripdir. “Asus ROG Phone 3” we “Xiaomi Black Shark 3 Pro” sanawyň soňky basgançaklarynda orun alypdyrlar.