Gaitide soňky günlerde başdan geçirilýän dartgynlyk sebäpli 11 müň adam öýüni terk etmeli boldy.
Halkara Göç guramasynyň habarnamasynda paýtagtda we töwereklerinde käbir toparlaryň arasyndaky çaknyşyklaryň halkyň öýüni terk etmegine sebäp bolandygy nygtaldy.
Toparlaryň arasyndaky çaknyşyklaryň dowam edýändigi sebäpli soňky birnäçe günde 11 müňden gowrak adamyň öýüni terk edendigi ýatladyldy.
Azyk howpsuzlygy guramasynyň analizlerine görä, ilatyň ýarysyny emele getirýän 5,4 million gaitiliniň günde garnyny doýurmakda kynçylyk çekýändigi nygtaldy.
Birnäçe ýyldan bäri syýasy, ykdysady we howpsuzlyk krizisine garşy göreşýän Gaitide 11 milliondan gowrak adama gytçylyk howpy abanýar.
Paýtagtyň 80 göterimine ýaragly toparlar gözegçilik edýär.
BMG-na görä, ýurtda 2024-nji ýyldan bäri 5 müňden gowrak adam ýaragly toparlaryň hüjümleri sebäpli ýogaldy.