Taýson Fýuri bilen Entoni Joşuanyň arasynda agyr agram derejesinde dünýä çempiony diýen at ugrundaky göreş eýýäm şu tomusda bolar. Boksçularyň ikisi hem ilkinji söweşi üçin hersi 100 million funt sterlinge (takmynan, 140 million dollar) alar. Ikinji duşuşykda ýeňiji girdejiniň 60%-ini, ýeňilen bolsa 40%-i alar diýip, “The Mirror” habar berýär.
Promouter Joşua Eddi Hirna bu maglumatlaryň dogrudygyny, boksçylaryň iki söweş üçin şertnama baglaşandygyny tassyklady. Olaryň birinjisi, çak bilen iýun ýa-da iýul aýlarynda bolar.
Ilkinji söweşiň geçiriljek ýeriniň Saud Arabystanynyň boljakdygy aýdylýar. Iki tarapam münberde tomaşaçylaryň bolmagyny talap edýär.