“Ahal” “Altyn Asyr” 0:2
Gollar: 28 Röwşen Halmämmedow, 46 Resul Hojaýew.
Ilkinji gollar: Duşuşykda tapawutlanan futbolçylaryň ikisi hem Kubok ýaryşynyň şu möwsümindäki ilkinji gollaryny geçirdiler.
20-nji golçy: Resul Hojaýew möwsümde tapawutlanan 20-nji futbolçy boldy.
Bäş ýylda, iki toparda: Röwşen Halmämmedow soňky bäş ýylyň içinde Kubok ýaryşynda hem Köpetdagyň, hem Altyn asyryň düzüminde tapawutlandy. Ol 2015-nji ýyldan bäri bu ýaryşda geçiren gollarynyň sanyny 3-e çykardy.
Golsuz topar: Ahal ýarym finala çykan dört toparyň arasynda heniz gol geçirmedik ýeke-täk topardyr.
“Köpetdag” “Şagadam” 6:1
Gollar: 12, 81 Yhlas Saparmämmedow, 20, 57, 65 Döwletmyrat Seýitmuhammedow, 89 Şiri Annaýew 26 Hemra Amanmämmedow.
Bir duşuşykda birinji orunda: Duşuşykda üç gezek tapawutlanan Döwletmyrat Seýitmuhammedow häzirlikçe Türkmenistanyň kubogy ― 2020-niň iň netijeli futbolçysy.
Iki toparda, üçünji gol: Yhlas Saparmämmedow soňky bäş ýylyň içinde şu ýaryşda hem Ahalyň, hem Köpetdagyň düzüminde jemi 3 pökgi geçirdi.
Bäş ýylda 100-nji golçy: Döwletmyrat Seýitmuhammedow Kubok ýaryşynyň soňky bäş möwsüminde tapawutlanan 100-nji futbolçy boldy.
30-njy gol: Döwletmyrat Seýitmuhammedowyň üçünji goly täzeden döredilen Köpetdagyň ýaryşdaky 30-njy goly boldy.
Ýene bir 30-njy gol: Şol bir wagtyň özünde bu gol Türkmenistanyň kubogy ― 2020-de geçirilen 30-njy gol boldy. Häzir ýaryşda geçirilen gollaryň sany 32-ä çykdy.
Ikinji orunda: Köpetdagyň futbolçylary möwsümde geçiren gollarynyň sanyny 9-a çykaryp, Altyn asyrdan soňra ikinji orna çykdylar. Altyn asyrda 12 gol bar.
Iň köp golly duşuşyk: Bu duşuşyk Kubok ýaryşynyň şu möwsüminde iň köp gol geçirilen duşuşyklaryň biri. Has takygy, çärýek finalyň Altyn asyr ― Energetik duşuşygynda hem derwezelere 7 pökgi geçirilipdi. Şol duşuşykda Altyn asyr 7:0 hasabynda ýeňiş gazandy.