Futbol boýunça Türkmenistanyň kubogy ugrundaky ýaryşyň ýarym finalynyň ilkinji duşuşygynda Köpetdag Şagadamy uly hasap bilen ýeňdi. Aşgabat köpugurly stadionynda geçirilen duşuşyk ýer eýeleriniň ― Köpetdagyň 6:1 hasabyndaky ýeňşi biilen tamamlandy.
Türkmenistanyň Içeri işler ministrliginiň toparynda Döwletmyrat Seýitmuhammedow het-trik etdi, Yhlas Saparmämmedow bolsa iki gezek tapawutlandy. Ýer eýeleriniň altynjy pökgüsini Şiri Annaýew geçirdi. Şagadam bu gollara diňe Hemra Amanmämmedowyň geçiren ýeke-täk pökgüsi bilen jogap berip bildi.
Şagadamyň derwezeçisi Nikita Gorbunowyň eýýäm 3-nji minutda oýundan çykarylmagy duşuşygyň ýatdan çykmajak pursady boldy. Oýundan soň Şagadamdan ikinji futbolçy ― Merdan Gurbanow hem gyzyl kart gördi.
Toparlaryň arasyndaky jogap duşuşygy 5-nji dekabrda geçiriler.
“Köpetdag” “Şagadam” 6:1
Gollar: 12, 81 Yhlas Saparmämmedow, 20, 57, 65 Döwletmyrat Seýitmuhammedow, 89 Şiri Annaýew 26 Hemra Amanmämmedow.
Duýduryşlar: 42 Batyrgylyç Berdiýew 17 Döwletgeldi Mirsultanow, 45+1 Sergeý Kuznesow, 66 Daýanç Orazgulyýew.
Meýdandan çykarylanlar: 3 Nikita Gorbunow, Merdan Gurbanow, oýundan soň (“Şagadam”)
Geçirilen ýeri: “Aşgabat” stadiony, merkezi meýdan (Aşgabat ş.)
Duşuşygyň emini: B.Allaberdiýew (Aşgabat ş.)
Kömekçi eminler: A.Begnazarow (Mary ş.), B.Atdyýew (Tejen ş.)
Ätiýaçdaky emin: B.Haknazarow (Aşgabat ş.)
Gözegçi emin: M.Seýitgulyýew (Aşgabat ş.).