Belgiýaly hüjümçi Romelu Lukakunyň Interden Çelsä transfer bolmagy, ony futbol taryhynyň transferine iň köp pul tölenen futbolçysy boldy. Lukukuny transfer eden klublar onuň transfer tölegi üçin şu wagta çenli 327 million ýewro töläpdir. 6 gezek transfer bolan Lukaku Anderleht, Çelsi, West Bromwiç, Ewerton, Mançester Ýunaýted, Inter toparlarynda oýnady.
Bu ugurda ikinji futbolçy Neýmar bolup, şu wagta çenli 2 gezek transfer bolan braziliýaly Neýmar üçin Barselona hem-de PSŽ klublary jemi 310 million ýewro harç etdi.
3-nji basgançakda 36 ýaşyndaky Kristiano Ronaldo bolup, super ýyldyz üçinem Mançester Ýunaýted, Real Madrid hem-de Ýuwentus klublarynyň kassasyndan jemi 230 million ýewro çykypdyr.
Karýerasynda 6 transferi başdan geçiren Alwaro Morata 189 million ýewro bilen 4-nji, 4 gezek transfer bolan Anhel Di Mariýa 179 million ýewro bilen 5-nji ýeri eýeleýär.
Real Sosieddadan Atletiko Madride, ol ýerdenem Barselona transfer bolan Antuan Grizmann özüne transferine tölenen 174 million ýewro bilen 6-njy orunda barýar.Onuň topardaşy hem watandaşy Usman Dembele 170 million ýewro bilen 7-nji hem-de şwesiýaly Zlatan Ibrahimowiç 8-nji ýeri eýeleýär.
Milanyň weteran ýyldyzy 7 gezek transfer bolup, onuň transferine klublar 169 million ýewro harçlapdyrlar.
Bu görkezijileriň ählisi dünýä belli “Transfermarkt” şereketiniň maglumatlaryna salgylanylýar.