Kubogy alyp bilmediIspaniýanyň Şa Kubogyny (Copa del Rey) 11 ýyldan soň, “Walensiýa” topary eýelemegi başardy.Sewilýa şäherinde oýnalan finalda “Walensiýa” topary kubogyň soňky 4 ýyldan bäri ýeňijisi “Barselonany” 21 hasabynda ýeňlişe sezewar etdi. 21-nji minutda Kewin Gameiro, 33-nji minutda-da Rodrigo “Walensiýany” 20 öňe saýlady. 2-nji ýarymda, has takygy, 73-nji minutdaky Lionel Messiniň goly birnäçe amatly pursatlary döreden “Barselona” toparyna ýeňiş üçin ýeterlik bolmady. Şunlukda, “Walensiýa” 8-nji gezek Şa Kubogyny eýeledi (1941, 1949, 1954, 1967, 1979, 1999, 2008, 2019). “Barselona” bolsa, bassyr 2-nji gezek goşa ýeňiş gazanmak mümkinçiligini elden giderdi.
Möwsümdäki 2-nji kubogyPortugaliýanyň Kubogyna Lissabon şäheriniň “Sporting” topary mynasyp boldy.Paýtagtlylar finalda wise-çempion “Porto” bilen duşuşdy.Oýnuň esasy wagty “Sportingden” Danilonyň 45+1 (öz derwezesine) hem-de “Portodan” Soaresiň geçiren gollary bilen deňlikde tamamlandy.
Goşmaça wagtda-da, 101-nji minutda Bas Dost “Sportingi” öňe saýlady. Ýöne 120+1-nji minutda Felipe hasaby deňledi.Oýundan soňky penaltilerde 54 artykmaçlyk görkezen “Sporting” 17-nji gezek ýurduň kubogyny asmana göterdi. Çempionatda soňky gezek 2002-nji ýylda çempion bolan “Sporting” topary Liganyň Kubogy ýaryşynyň finalynda-da “Portodan” penaltilerden soň, üstün çykypdy.
“Bawariýanyň” 12-nji goşa üstünligiGermaniýanyň Kubogy (DFB Pokal) ýaryşynyň finalynda “Bawariýa” bilen “Leipsig” duşuşdy.Berlindäki Olimpiýa stadionynda oýnalan finalda “Bawariýa” 30 hasabynda ýeňiş gazandy. “Bawariýanyň” gollaryny Robert Lewandowski (29, 85) bilen Kingsli Koman (78) derwezä girizdi. Şeýlelikde, “Bawariýa” 19-njy gezek ýurduň kubogyny gazanmagy başardy. “Bawariýa” taryhynda 12-nji gezek 1 möwsümde hem çempionlygy, hem-de kubogy gazandy.
Münhenliler bu babatda Ýewropada ilkinji hatarda barýar. “Leipsig” bolsa, kubok ýaryşyndaky ilkinji finalyndan boş gaýtdy.
“Borussiýanyň” täze transferleriSoňky tapgyra çenli çempionlyk ugrunda göreşen Dortmundyň “Borussiýasy” transfer möwsüminiň resmi ýagdaýda başlamagyndan öň 3 oýunçyny hataryna goşdy.Dortmundlylar “Hoffenhaým” toparynyň 26 ýaşly çep gyraky goragçysy Niko Şulsy (27 million ýewro), “Borussiýa M.” toparynyň belgiýaly ýarymgoragçysy Torgan Hazardy (25 million ýewro) hem-de “Baýerden” 23 ýaşly nemes ýarymgoragçysy Julian Brandty (25 million ýewro) transfer etdi.
Topar transfer eden 3 oýunçysy bilenem 5 ýyllyk şertnama baglaşdy.