UEFA Milletler Ligasynda “A” Liganyň 1-nji toparçasynda ýaryşyň soňky çempiony Fransiýa ilkinji duşuşygynda, öz meýdançasynda garaşylmadyk ýagdaýda ýeňildi.Stad de Frans stadioynda soňky wagtlaryň güýçli ýygyndysy Daniýany kabul eden fransuzlar hem ýeňlişe sezewar boldular, hem-de super ýyldyzlary Kilian Mbappe şikes aldy.
Birinji ýarymy golsuz geçen oýnuň 2-nji ýarymyna fransuzlar gol bilen başlady. 51-nji minutda Karim Benzema owadan gol bilen hasaby açdy. 60-njy minutda oýna goşulan Andreas Konelius ilki 68-nji minutda hasaby deňledi, soňra duşuşygyň tamamlanmagyna 2 minut galanda, ýagny 88-nji minutda Daniýany öňe saýlady. Şeýlelikde, Daniýanyň ýygyndysy myhmançylykda Fransiýanyň 2-1 hasabynda ýeňip, ýaryşa şowly başlady.
Toparçadaky beýleki duşuşykda Awstriýa myhmançylykda Horwatiýany 3-0 ýeňdi. Täze tälimçileri Ralf Ragnigiň ilkinji duşuşygynda uly hasaply ýeňiş gazanan myhmanlaryň gollaryny Arnautowiç (41), Gregoritç (51) hem-de Sabitzer (57) derwezä girizdi.