Fransiýanyň daşary işler ministri Stefan Sežurn Fransuz RFI radiosynyň we France 24 telewideniýe kanalynyň umumy teleýaýlymynda, Gaza ynsanperwer kömekleriň ýetirilmegi bilen bagly meseleleriň üstünde durup geçdi.
Ynsanperwer kömekleriň ýetirilmegi üçin Gaza zolagynyň demirgazyk we günorta geçelgeleriniň açylmagyny islän Stefan Sežurn sebite ýüzlerçe ynsanperwer ýük daşaýan ulaglaryň girmeginiň zerurdygyny habar berdi.
Fransiýanyň Günbatar Şeriada palestinalylara garşy zorluk edýän bikanun jöhit ýaşaýjylara garşy Ýewropa derejesinde sanksiýa girizilmegini teklip eden iki ýurduň biridigini aýdan Stefan Sežurn ynsanperwer kömekleriň Gaza ýetirilmegi üçin gerek bolan halatynda ony dowam etdirjekdiklerini mälim etdi.
Stefan Sežurn Palestina meselesinde iki döwletli çözgüdiň tarapdarydyklaryny belläp, ýurdunyň "Ysraýylyň dosty" bolmaga dowam etdirjekdigini beýan etdi.