FIFA ýene-de 7 ýyldan, has takygy, 2030-njy ýylda guraljak 24-nji Dünýä Kubogynyň haýsy ýurtlarda geçiriljekdigini mälim etdi. Şunlukda, 2030-njy ýyldaky Dünýä Kubogy 3 yklymda, 6 ýurtda geçiriler. Çempionaty esasy guraýjy 3 ýurt bolup, olar Ispaniýa, Portugaliýa hem-de Marokko döwletleridir.
FIFA Dünýä Kubogynyň geçirilip başlanyna 100 ýylyň dolýandygy mynasybetli çempionatyň ilkinji 3 duşuşygy Günorta Amerika döwletlerinde Urugwaýda, Argentinada hem-de Paragwaýda oýnalar.Mälim bolşy ýaly, Dünýä Kubogy ilkinji gezek 1930-njy ýylda Urugwaýda geçirilipdi.
Netijede, 6 ýurduň milli ýygyndy topary saýlama tapgyryna gatnaşmazdan 2030 Dünýä Kubogyna wekilçilik eder.