Düýn Birleşen Arap Emirlikleriniň Abu-Dabi şäherinde Formula-1 boýunça möwsümiň soňky gran-prisi geçirildi. 58 aýlawdan ybarat bolan Abu-Dabi gran-prisi bu möwsümde howalasy belent bolan Maks Ferstappenniň (Red Bull) ýeňşi bilen tamamlandy.
Ikinji orun Ferrariniň piloty Şarl Leklere nesip eden bolsa, güýçli üçlügi ýeňijiniň topardaşy Serhio Peres jemledi.Sportuň bu görnüşi boýunça ençeme gezek dünýä çempiony Mersedesiň sürüjisi Lýuis Hemilton ýaryşy ahyryna çenli dowam etdirip bilmedi.
Şeýlelikde, britaniýaly türgen öz karýerasynda ilkinji gezek möwsümde ýekeje sapar hem gran-pri ýaryşlarynda ýeňiji bolup bilmezden tamamlady.
Abu-Dabi gran-prisinden soňra Formula-1 boýunça 2022-nji ýylyň şahsy hasapdaky we konstruktorlaryň arasyndaky gutarnykly jedweli hem mälim boldy.Oňa laýyklykda, 454 utuk bilen Red Bull toparynyň sürüjisi Maks Ferstappen şahsy hasapda birinji orny eýeledi. Şeýle-de güýçli bäşlige Şarl Lekler (Ferrari, 308 utuk), Serhio Peres (Red Bull, 305 utuk), Jorj Rassell (Mersedes, 275 utuk) hem-de Karlos Saýns (Ferrari, 246 utuk) girmegi başardy.
Konstruktorlaryň arasyndaky ýaryşda birinji orun 759 utuk toplan Red Bull toparyna nesip etdi. Ikinji orna 554 utuk bilen Ferrari, üçünji orna bolsa 515 utuk bilen Mersedes ornaşdy.