Angliýanyň “Premier Ligasynda” 1-nji tapgyryň galdyrylan oýnunda duşuşykda “Mançester Ýunaýted” myhmançylykda “Býornlini” 1-0 hasabynda ýeňdi.Mankunianlara ýeňiş getiren ýeke-täk goly 77-nji minutda Pol Pogba öz adyna ýazdyrdy.
Bu ýeňişden soň, utugyny 36-a ýetiren “Mançester Ýunaýted” sanawda 1-nji orna beýgeldi. “Mançester Ýunaýted” topary 2013-nji ýyldan soň ilkinji gezek 1-nji orna çykdy. Ýagny toparyň rowaýaty tälimçisi Ser Aleks Fergusonyň pensiýa çykanyndan soň, ilkinji ýola sanawyň iň öňdäki basgançagyna beýgeldi.
“Mançester Ýunaýted” 19-njy tapgyryň çäklerinde 17-nji ýanwarda myhmançylykda 2-nji basgançakda barýan “Liwerpul” bilen duşuşar.
The post Fergusondan soň ilkinji gezek… appeared first on Zaman Türkmenistan.