Türkmenistanyň Futbol federasiýasynyň (TFF) Kubogyny almak ugrundaky ýaryşyň ikinji tapgyrynyň çäginde “B” toparça wekilçilik edýän toparlar öz duşuşyklaryny geçirdiler.
Bu tapgyrda “Ahaly” 2:1 hasabynda ýeňen “Merw” topary toplan 6 utugy bilen toparçada birinji orny eýeleýär. Tapgyryň beýleki duşuşygy “Nebitçi” bilen “Köpetdagyň” arasynda geçirilip, onda Balkanabadyň topary 3:1 hasabynda ýeňiş gazandy.
Şeýlelikde, 3 utukdan toplan “Ahal” bilen “Nebitçi” toparlary ikinji, üçünji orunlarda ornaşdylar.
TFF-niň Kubogynyň üçünji, jemleýji tapgyrynyň duşuşyklary 21-nji hem-de 22-nji iýunda geçiriler.
Ikinji tapgyryň netijeleri:
“B” topar
“Merw” “Ahal” 2:1
Gollar: 40 Serdaraly Ataýew, 76 Arslan Ýusupow (“Merw”) 82 (11 m.j.u.) Serdar Geldiýew (“Ahal”)
“Köpetdag” “Nebitçi” 1:3
Gollar: 42 Şiri Annaýew (“Köpetdag”) 15 Arslan Saparow, 19 Akmämmet Metdäýew, 69 Merdan Gurbanow (“Nebitçi”)
Bellik: Duşuşygyň 77-nji minutynda Öwezbaý Muhammetmyradow (“Köpetdag”) 11 metrlik jerime urgusyny nädürs ýerine ýetirdi.
21.06.2021 ý. III tapgyr 22.06.2021 ý. III tapgyr
“A” topar “B” topar
18:15 “Şagadam” “Energetik” 18:15 “Nebitçi” “Merw”
20:30 “Aşgabat” “Altyn Asyr II” 20:30 “Ahal” “Köpetdag”