Kommunikasiýalar edarasynyň başlygy Fahrettin Altun Türkiyäniň ýer eýeçilik etmeginde Stambulda geçirilýän maslahatda Bangladeşiň Maglumat we Neşir ministri Mohammad Ali Arafat, Gwineýa-Bissaunyň Jemgyýetçilik aragatnaşyk ministri Mariýa de Konseýsan Ewora, Eýran Yslam Respublikasynyň Medeniýet we Yslam ýol görkezme ministri Muhammed Mehdi Ismaili, Demirgazyk Kipr Türk Respublikasynyň Daşary işler ministri Tahsin Ertugrulogly, Nigeriýanyň Aragatnaşyk, Poçta we sanly ykdysadyýet ministri Raliou Sidi Mohamed we Somaliniň Maglumat, Medeniýet we Syýahatçylyk ministri Daud Aweis Jama bilen duşuşyk geçirdi.
Geçirilen duşuşyklarda Ysraýylyň 7-nji oktýabrdan bäri Gaza garşy dowam etdirýän hüjümleri bilen dünýä jemgyýetçiligine berýän ýalňyş, galp habarlar we dezinformasiýa işleri ara alynyp maslahatlaşyldy.
Ysraýylyň hüjümlerinde we zulumynda asuda ilat bilen birlidke 130 metbugat işgäriniň ölendigini aýdan Fahrettin Altun, Ysraýylyň gyrgynçylyklar edýän mahaly halkara jemgyýetçiliginiň reaksiýasyny azaltmak we jenaýatlaryny ýapmak üçin halkara metbugaty we sosial mediany ulanmakda çetde durmaýandygyny beýan etdi.
Ony dezinformasiýa, ýalan, ýalňyş maglumatlar we toslama mazmunlar bilen edýändigine ünsleri çeken Fahrettin Altun, Kommunikasiýalar edarasy hökmünde ilkinji günden başlap Ysraýylyň jenaýatlaryny ýapmak üçin edýän ýalanlaryny ýeke-ýeke anyklap, paş edendiklerini habar berdi.
Ysraýylyň ýalanlaryny paş etmegiň jenaýatlaryny paş etmekdigini aýdan Fahrettin Altun, Prezident Rejep Taýýip Erdoganyň ýolbaşçylyk etmeginde diplomatiýa başda bolmak bilen Ysraýyla garşy ellerindäki enjamlary ahyryna çenli ulanýandyklaryny mälim etdi.
Fahrettin Altun Ysraýyl tarapyndan edilýän dezinformasiýa garşy göreşmek üçin ýurtlara hyzmatdaşlyk etmäge we Palestiniň adalatly göreşini goldamaga çagyrdy.