Kommunikasiýalar edarasynyň başlygy Fahrettin Altun Aziýa-Ýuwaş Umman teleradiogepleşikler birleşiginiň (ABU) Habar toparynyň başlyklygyna saýlanan TRT Habar kanalyny we Türkiyäniň Radio we Telewideniýe Guramasyny (TRT) gutlady.
Kommunikasiýalar edarasynyň başlygy Fahrettin Altun TRT Habar kanalynyň ABU-da Habar toparynyň başlyklygyna saýlanmagy mynasybetli sosial media ulgamyndan gutlag ýüzlenmesini çap etdi.
TRT Habar kanalyny we Türkiyäniň Radio we Telewideniýe Guramasyny (TRT) gutlan Fahrettin Altun noýabr aýynda TRT-nyň ABU başlyklygyny Türkiyä getirendigini mälim etdi.
Fahrettin Altun: "Şu gün gazanan bu üstünligimiz bilen bileleşigiň çäginde has işjeň iş alyp barjakdygymyza ynanýaryn" diýip belledi.
Altun: "Prezidentimiz hormatly Rejep Taýýip Erdoganyň maksatnamalaryna laýyklykda durmuşa geçirýän aragatnaşyk bilen bagly tagallalarymyz üçin örän gymmatly diýip hasap edýän bu wakanyň ýurdumyz, TRT-miz we ABU üçin düşümli bolmagyny dileýärin" diýip habar berdi.
Aziýa-Ýuwaş Umman teleradiogepleşikler birleşigi (ABU) 65 ýurtdan 240 agzasy bilen dünýäniň iň uly ýaýlym guramasydyr.