Kommunikasiýalar edarasynyň başlygy Fahrettin Altun TRT Habar kanalynda 15-nji iýul Demokratiýa we Milli jebislik güni mynasybetli geçirilen "15-nji iýul Ýörite Söhbetdeşlik" gepleşigine gatnaşdy.
Fahrettin Altun 15-nji iýuldan soň terrora garşy göreşde edilen ädimleriň ähmiýetini belläp geçip: "Bu 7 ýyllyk tapgyrda bir tarapdan hyýanatçylykly terror guramasynyň döwlet edaradyr-kärhanalarymyzdan saplanandygyny we döwletimiziň we edaradyr-kärhanalarymyzyň has güýçlenendigini gördük. Indi Türkiyäniň terrora garşy göreşi has hem güýçli, has täsirli, az çykdajyly we has uly netijeler alynýan görnüşde dowam edýär" diýip habar berdi.
Fahrettin Altun: "Şol gün halkara arendaky töwerekler Türkiyede dolanşygyň üýtgedilmegi üçin bir kirli guramany, hyýanatçylykly terror guramasyny ulandylar. Millet oňa lideri bilen bilelikde çürt-kesik ýagdaýda zarba urdy. Agdarlyşyk synanyşygyny etmek isleýänlere agyr zarba urdy we olary täsirsiz ýagdaýa getirdi" diýip beýan etdi.
15-nji iýulda milletiň beýik bir ygtyýar orta goýandygyny aýdan Fahrettin Altun: "Dünýäde demokratiýa taryhynda ozal görülip-eşidilmedik ýagdaýda harby agdarlyşyk synanyşygyna garşy garşylyk görkezildi.Bu watanyň hakyky bir taryhy bar, şol hakyky taryhyň içinde hakyky gahrymanlar esaslandyryjy elementlerdir we 15-nji iýul hem şol manyda bu ýurduň bu watanyň taryhynda aýry bir ýere, örän aýratyn bir ýere eýedir" diýip nygtady.
Fahrettin Altun 15-nji iýulda şehit bolanlaryň, şikes ýetenleriň we şol gije meýdanlara çykan her kimiň Türkiyä Asyrynyň gahrymanlarydygyny aýan etdi.