“Business Insider”-iň habaryna görä, “Facebook” sosial ulgamyny ulanýanlaryň ýarym milliarddan gowragynyň şahsy maglumatlary we telefon belgileri internetde köpçülige elýeterli boldy. Gürrüň dünýäniň 106 ýurdunda hasaba alnan 533 million hasap hakda barýar diýip, Sputnik gullugy habar berdi.
Ýaýran maglumatlaryň, esasan, 32 milliondan gowrak amerikaly, 10 milliona golaý russiýaly, şeýle hem 28 milliondan gowrak Saud Arabystanyndan bolan ulanyjylara degişlidigi aýdyňlaşdyryldy. Olaryň içinde ulanyjylaryň ady, familiýasy, atasynyň ady, geolokasiýasy, doglan senesi we beýleki şahsy häsiýetli maglumatlar bar.
"Hudson Rock" amerikan kompaniýasynyň kiberhowpsuzlyk boýunça hünärmeni Elon Gal neşire beren teswirinde kiber jenaýatçylaryň bu maglumatlary hökman ulanjakdygyny aýtdy.