Eýranyň ýarym resmi habar gullugy Tesnim tarapyndan berilen habara görä, Sistan-Belujistan welaýatynyň Pakistan serhedindäki Serawan şäherinde Besij diýip tanalýan Ynkylap goragçylar goşunynyň çägindäki ýerli howpsuzlyk gullukçylaryna hüjüm guraldy.
Hüjümde asly buluç bolan eýranly 5 howpsuzlyk gullukçysy ýogaldy.
Hüjümçileriň tussag edilmegi üçin sebite ýörite harby toparlar gönükdirildi.
Pakistan serhedindäki Sistan-Belujistan welaýatynyň Tefta sebitinde 26-njy oktýabrda serhet goragçylaryna sebitde ýygy-ýygydan hüjümler guraýan Jeýşul Adl atly gurama tarapyndan guralan hüjümde 10 howpsuzlyk gullukçysy ýogalypdy.
Hüjümden soň Eýran sebitde giň gerimli operasiýa başladypdy. Operasiýada guramanyň köp sanda agzasynyň öldürilendigi, belli bir böleginiň bolsa tussag edilendigi habar berilipdi.