Eýranda ýurduň Prezidentiniň saýlawlarynda dalaşgärlik etjek syýasatçylaryň talaplara laýyklygyny barlamak işleri tamamlandy. Netijede, saýlawlara alty syýasatçy gatnaşmaga hukuk gazandy. Bu barada Eýranyň döwlet teleýaýlymynda Geňeşiň resmi wekili Hadi Tahan-Nazif habar berdi diýip, MIR 24 ýazýar.
Şu gün 14-nji Prezident saýlawlaryna gatnaşjak dalaşgärleriň talabalaýyklygyny barlamak işleri tamamlandy diýip, Tahan-Nazif aýtdy.
Onuň sözlerine görä, Prezident saýlawlaryna Mejlisiň başlygy Mohammad Bager Galibaf, Tähranyň häkimi Alireza Zakani, Yslam Respublikasynyň howpsuzlyk geňeşiniň ruhy lideriniň wekili Said Jalili, parlamentiň öňki deputaty
Masud Pezeşkian, Içeri işler ministrliginiň öňki başlygy, Prezidentiň orunbasary Amir-Hoseýn Gazizade-Haşemii we öňki ýustisiýa ministri Mostafa Purmohammadi gatnaşarlar.