Eýranda Mahsa Emininiň göz tussaglygynda mahaly ýolgalmagyndan soň başlan protest ýörişlerinde ýogalanlaryň sany 304 adama ýetdi.
Merkezi Norwegiýada ýerleşýän Eýran adam hukuklary guramasynyň internet saýtynda berlen habarnamada, ýurtda 50 günden bäri dowam edýän ýörişler hakynda maglumat berildi.
Habarnamada 31 welaýatyň 22-den alynan görkezijilere ýer berildi.
Mahsa Emininiň ýogalmagyndan soň başlan ýörişlerde ýogalanlaryň sanynyň Sistan-Buluçistan, Mazenderan, Tähran, Kürdistan we Gilan welaýatlarynda köpelendigi nygtaldy.
Habarnamada, Sistan-Buluçistan welaýatynda 118, Mazenderanda 33, Tähranda 30, Kürdistanda 26, Gilanda 22, Günbatar Azerbaýjanda 21, Kirmanşahda 13, Elborzda 9, Horasan-y Rezewide 4, Yspihanda 4 we Zenjanda 4, Merkezi, Kazwin, Loristan, Gündogar Azerbaýjan, Erdebil, Iýam, Huzistan we Hemedan welaýatlarynyň her birinde 2, Buşehrde 1 we Simnanda hem 1 adamyň ýogalandygy bellenildi.
Habarnamada ýogalan protesçileriň 41-niň 18 ýaşyndan kiçi bolandygy, 24-niň hem zenandygy nygtaldy.
Mahsa Emininiň ýogalmagyndan soň başlan protest ýörişlerinde häzire çenli howpsyzlyk güýçlerinden 38 gullukçynyň ýogalandygy ýatladyldy.
Paýtagt Tähranda 13-nji sentýabda “ahlak polisi” hökmünde bilinýän İrşad patrullary tarapyndan saklanandan soň ýagdaýy agyrlaşan we hassahanada bejergi astyna alynan 22 ýaşyndaky Mahsa Emininiň 16-njy sentaýbrda ýogalmagy ýurtda protest ýörişleriniň başlmagyna sebäp bolupdy.
Ýurduň çar tarapynda geçirilýän ýörişerde 10 müňden gowrak adamyň saklanandygy öňe sürülýär.