Eýranyň paýtagty Tähranda aşa yssy howa sebäpli döwlet eýeçiligindäki edaradyr-kärhanalarda 1 günlük dynç alyş yglan edildi.
Eýranyň hökümeti tarapyndan kabul edilen kararyň ýurtda täsirini dowam etdirýän aşa yssy howa sebäpli halkyň saglygynyň goralmagyny we elektrik togyny tygşytlamagy maksat edinýändigi nygtaldy.
Karara laýyklykda ýardam hyzmatlaryndan daşary Tähran we Elburz welaýatlarynda döwlet eýeçiligindäki ähli edaradyr-kärhanalar we banklar ýapyk bolar.
13 welaýatda bolsa döwlet eýeçiligindäki ähli edaradyr-kärhanalar ýerli wagt bilen 06.00-10.00 aralygynda hyzmat eder.
Eýranyň günortasynda käbir sebitlerde howanyň ýylylygy 50 gradusa çenli baryp ýetdi.
Eýranda 26-27-nji iýulda hem aşa yssy howa sebäpli dynç alyş yglan edilipdi.