Eýranyň daşary işler ministrliginden berilen beýanata görä, Beýik Britaniýanyň Tährandaky ilçihanasynyň geňeşçisi Beýik Britaniýanyň Eýranyň 3 raýatyna we 1 kärhanasyna garşy girizen sanksiýalary sebäpli ministrlige çagyryldy.
Iňlis diplomat ady agzalan sanksiýa kararynyň Beýik Britaniýanyň täze hökümediniň Eýran bilen hyzmatdaşlyga we arkalaşykly işleşmek niýetine tersdigi aýdyldy.
Sebitdäki howpsuzlygyň gözbaşynyň Ysraýyldygy we palestinalylara garşy edilýän genositde käbir ýurtlaryň, şol sanda Beýik Britaniýanyň Ysraýyla goldaw bermeginiň sebitdäki durnuksyzlygyň we howpsuzlygyň esasy sebäbidigi beýan edildi.
Beýik Britaniýanyň Tährandaky ilçihanasynyň geňeşçisi Tähranyň tutumyny öz ýurduna ýetirjekdigini aýtdy.
Beýik Britaniýanyň daşary işler ministrligi düýn Eýranyň 3 raýatyny we Ynkylap Goragçylary goşunynyň Iýerusalim güýjüne degişli 1 kärhanany Tähranyň Beýik Britaniýany, Ysraýyly, Ýemeni we Liwany "durnuksyzlaşdyran duşmançylykly" hereketler edýändigini öňe sürüp sanksiýa sanawyna alandygyny habar beripdi.