Estoniýanyň Prezidenti Alar Karis, Prezident R. T. Erdoganyň myhmany hökmünde Türkiýä geldi.
Myhman Prezident Karis, paýtagt Ankarada ilki Türkiýe Respublikasynyň esaslandyryjysy Atatürkiň aramgähine bardy.
Alar Karis aramgähiň ýatlama depderine “Türkiýe Respublikasynyň ilkinji Prezidenti Mustafa Kemal Atatürkiň gubyryna gül desselerini goýmak miýesser etdi. Estoniýa Respublikasy bilen Türkiýe Respublikasy dost we hyzmatdaş ýurt. Iki ýurduň arasynda diplomatik gatnaşyklaryň ýola goýulmagynyň 100 ýyllygy bellenilip geçilýär. Dostlukly gatnaşyklaryň pugtalanmak bilen dowam etmegini umyd edýärin” diýip ýazdy.
Prezidentiň ýanyndaky Kommunikasiýalar edarasyndan berlen beýannama görä, myhman Prezident Karis Prezident R. T. Erdogan bilen hem duşuşar.
Iki lider duşuşykda özara gatnaşyklar we hyzmatdaşlygyň ähli taraplaýyn pugtalandyrylmagy hakynda pikir alyşar.
Türkiýe bilen Estoniýanyň arasynda diplomatik gatnaşyklaryň ýola goýulmagynyň 100 ýyllygyna gabat gelýän saparyň çäginde, Türkiýe-ÝB gatnaşyklary, aktual sebitara we halkara meseleler hem gün tertibine getirler.