Niderlandly Erik ten Hag tomus Mançester Ýunaýtediň täze baş tälimçisi bolar. Bu barada öz çeşmelerine salgylanýan ESPN ýazýar.
Mançester Ýunaýtediň ýolbaşçylygy möwsümiň tamamlanmagy bilen topardan gitjek, nemes Ralf Rangnikiň deregine Aýaksyň 52 ýaşly tälimçisini saýlady.Mart aýynda ten Hag iňlis klubunda gürrüňdeşlikde boldy.Maurisio Poçettino (PSŽ), Luis Enrike (Ispaniýanyň ýygyndysy) we Ýulen Lopetegi (Sewilýa) dagy bilen bilelikde Ten Hag MÝ-nyň täze baş tälimçisiniň wezipesine dalaşgärleriň gysga sanawyna girýärdi.
Ten Hagyň Aýaks bilen şertnamasy 2022-nji ýylyň tomsuna çenli dowam edýär.Niderlandly hünärmen klubuň baş tälimçisiniň wezipesini 2017-nji ýylyň 28-nji dekabryndan bäri eýeleýär.Hünärmen ozal niderlandlaryň Utreht-ine we Gou Ehed Igls-ine, şeýle-de, Bawariýanyň ikinji toparyna tälimçilik edipdi. 2018/19 we 2020/21 möwsümlerde Aýaks onuň ýolbaşçylygynda Niderlandlaryň çempionatyny utdy we ýurduň Kubogyna eýe boldy.
Mundan hem başga, amsterdamly klub 2018/19 möwsümde Çempionlar ligasynyň ýarym finalyna çenli baryp ýetdi.Rangnik geçen ýylyň noýabrynda, Ule Gunnar Sulşeriň ornuna, MÝ-nyň baş tälimçisiniň wezipesini ýerine ýetiriji boldy.
Klub 30 oýunda 51 utuk toplap, Angliýanyň çempionatynda ýedinji ýeri eýeleýär.MÝ Çempionlar ligasynda Atletiko-dan ýeňilip, 1/8 finaldan gaýtdy.