Tatar nobatdaky duşuşygyň Türkiýäniň we Gresiýanyň wekilleriniň gatnaşmagynda geçirilmegi boýunça ylalaşyk gazanylandygyny aýtdy.
Ersin Tatar BMG-niň Ştab kwartirasynda Guterrişiň çakylygy boýunça gatnaşan resmi däl agşam naharyndan soň geçiren metbugat ýygnagynda soraglara jogap berdi.
Tatar: “Men täze strategiýa hödürledim, sebäbi 50 ýylyň dowamynda federal çözgüt tagallalary netijesiz boldy” diýdi.
DKTR-nyň özygtyýarly deňligi we halkara hukuk derejesi ykrar edilmese, gepleşiklere gatnaşmajakdygyny nygtan Tatar, embargolaryň we çäklendirmeleriň dowam etmeginiň ýaramaz netijelerini gün-tertibine getirendiklerini nygtap; “BMG-niň Baş sekretary bilen nobatdaky duşuşygyň Türkiýäniň we Gresiýanyň wekilleriniň gatnaşmagynda geçirilmegi boýunça ylalaşdyk” diýdi.
Prezident Tatar, şol bir wagtda-da Günorta Kipriň grek dolanşygynyň lideri Nikos Hristodulidis bilen Kipr adasynda duşuşyp, täze gümrük geçelgeleriniň açylmagy hakynda pikir alyşmaga karar edendiklerini, talaplary ýerlikli bolan halatynda onuň iş ýüzüne geçjekdigini aýtdy.