2-nji dekabrda Türkmenistanyň DIM-de daşary işler ministri Raşid Meredow bilen Ermenistan Respublikasynyň täze bellenen Adatdan daşary we Doly ygtyýarly Ilçisi Arsen Awagýanyň arasynda duşuşyk geçirildi.Duşuşygyň başynda Ermenistanyň ilçisi ynanç hatlarynyň nusgalaryny gowşurdy.
Soňra taraplar Türkmenistan bilen Ermenistanyň arasyndaky syýasy-diplomatik, söwda-ykdysady we medeni-ynsanperwer ugurlarda hyzmatdaşlygyň möhüm ugurlaryny ara alyp maslahatlaşdylar.Gatnaşyklary mundan beýläk hem ösdürmegiň geljegi barada pikir alyşmalar geçirildi.
Diplomatlar iň ýokary derejedäki dialogyň ähmiýetini bellediler. Şunuň bilen baglylykda, Ermenistanyň Prezidenti Waagn Haçaturýanyň Magtymguly Pyragynyň doglan gününiň 300 ýyllygyna bagyşlanan Döwürleriň we siwilizasiýalaryň özara arabaglanyşygy parahatçylygyň we ösüşiň binýady atly halkara forumyna gatnaşmak üçin golaýda amala aşyran saparynyň, şeýle hem Türkmenistanyň Prezidenti hormatly Serdar Berdimuhamedow we Türkmenistanyň Halk Maslahatynyň Başlygy, Gahryman Arkadagymyz Gurbanguly Berdimuhamedow bilen geçiren duşuşyklarynyň döwletara gatnaşyklaryň mundan beýläkki ösüşine güýçli itergi berendigi nygtaldy. Şeýle hem taraplar söwda-ykdysady gatnaşyklaryň ösüşini ara alyp maslahatlaşdylar, ulag we energetika pudagyndaky hyzmatdaşlyga aýratyn ähmiýet berildi.
Iki ýurduň arasyndaky medeni-ynsanperwer gatnaşyklaryň mundan beýläk hem ösdürilmegine, şol sanda özara Medeni günleriň, Kino günleriniň we beýleki çäreleriň geçirilmegine aýratyn üns çekildi. /* custom css */ .td_uid_15_674ef5188bb89_rand.td-a-rec-img { text-align: left; } .td_uid_15_674ef5188bb89_rand.td-a-rec-img img { margin: 0 auto 0 0; }