Prezident Erdogan, Albaniýada çap edilýän Panorama gazedi üçin ýazan makalasynda, Türkiýäniň Albaniýany hem bir dost hem-de tebigy hyzmatdaş hökmünde görýändigini, Albaniýadaky bagtyýarlygyň artyşynyň we durnuklylygynyň, bütin sebitiň parahatçylygyna we asudalygyna hyzmat etjekdigine ynanýandygyny beýan etdi.
Erdogan Türkiýäniň dostlukly we doganlyk Albaniýanyň ösüşi we howpsuzlygy üçin hemişe tüýs ýüregi bilen ahyryna çenli goldawyny dowam etdirmekde tutanýerlidigini habar berdi.
Iki ýurdyň arasyndaky söwda kuwwadynyň 700 million dollar töweregindedigini we onuň iň gysga wagtda 1 millard dollara ýetirmegi maksat edinýändiklerini aýdan Erdogan, epidemiýa bilen birlikde saglygy goraýyş diplomatiýasynyň we maýa goýumlaryň, iki ýurdyň arasyndaky gatnaşyklara itergi berendigini mälim etdi.
Erdogan iki ýurdyň arasynda terrorizm, adam söwdasy we neşe söwdasyna garşy göreş ýaly howpsuzlyk meselelerde gatnaşyklaryň artdyrylandygyny aýan etdi.
Türkiýäniň Albaniýada entegem barlygyny dowam etdirýän FETÖ garşy umumy göreş babatyndaky erjelligini, ikitaraplaýyn gatnaşyklarda dowamly häsýetde güntertibe getirýändigini aýdan Prezident Erdogan: "Bu terror gurluşynyň Albaniýadaky işleriniň çäklendirilmegi we guramanyň agzalarynyň Türkiýä gaýtarylyp berilmegi üçin Albaniýanyň degişli resmileri bilen geňeşmeler geçirilýär.
Türkiýede harby agdarlyşyk synanyşygyny eden hyýanatçylykly bir terror guramasynyň, Albaniýada hem iş alyp barmagy, türk halkyny gynandyrýar.Mundan başgada bu guramanyň Albaniýada hem Türkiýedäkä meňzeş aksiýa guramak howpy bardyr" diýip habar berdi.
Türkiýe bilen Albaniýanyň arasyndaky dostlukly gatnaşyklaryň syýasy, ykdysady we sosial ugurlarda iň netijeli döwrüni başyndan geçirýändigini aýdan Erdogan, Türkiýäniň Albaniýanyň NATO-daky barlygyna ähmiýet berişi ýaly, soňky ýyllarda durmak nokadyna gelen Ýewropa Bileleşigine agzalyk tapgyryna hem goldaw berýändigini mälim etdi.