Prezident Rejep Taýýip Erdogan, ekstremist terror guramasy PKK-nyň Yragyň demirgazygyndaky Gara sebitinde 13 türk raýaty şehit etmegine sesini çykarmaýan ABŞ-a nägilelik bildirip: "Mundan beýläk eger biz siz bilen dünýäde, NATO-da jebisligimizi dowam etdirjek bolsak, terrorçylary goldamaň" diýip nygtady.
Ýurdyň Prezidenti we Adalat we ösüş partiýasynyň başlygy Rejep Taýýip Erdogan, Rize welaýatynda partiýasynyň Ýenişehir Ýapyk sport zalynda geçirilen Rizeniň 7-nji nobatdaky welaýat kongresine gatnaşdy.
Prezident Erdogan, ekstremist terror guramasy PKK-nyň 13 türk raýaty şehit etmegine sesini çykarmaýan ABŞ-a nägilelik bildirip: "Mundan beýläk eger biz siz bilen dünýäde, NATO-da jebisligimizi dowam etdirjek bolsak, terrorçylary goldamaň.
Hany siz PKK-ny, ÝPG-ni, PÝD-ni goldamzok diýärdiňiz.Bal ýalam goldaýarsyňyz, arkasyny tutýarsyňyz.Bu bigünä adamlaryň gany terror guramasyna eýe çykan, goldaw beren, duýgudaşlyk bildiren her kimiň eline ýokdy.
Terror guramalarynyň propoganda enjamlaryna öwrülen sosial media gollanmalarynyň ählisi 13 ýaragsyz bigünä adamyň namartlyk bilen öldürilmeginden jogapkärdir" diýip belledi.
Prezident Erdogan, Gara sebitinde geçirilen "Penje Bürgüt-2" operasiýasy bilen baglanşykly bolsa: "Ilkinji etapda ähli hinlere, gowaklara giriler diýipdik, 42 terrorçy ana şol wagt ýok edildi. Ýylsaýyn has hem özgerýän türk goşunynyň öňünde durup biljek ne bir terror guramasy ne-de bir pyýada güýç bar.
Esgerlerimiziň öňünde durup bilmeýän terror guramasy gynansagam namartlykda çäk bilmeýär, bular pes däl, bular çukur" diýip nygtady.
Türk goşuny bilen buýsanýandyklaryny aýdan Prezident Erdogan: "Goşunymyzyň wagt we ýer tapawudyny goýman, ýurdumyz üçin zerur bolan, milletimiziň asuda ýaşaýyşy üçin gerek bolan ähli operasiýalary öz mümkinçilikleri bilen geçirip biljek derejä ýetmegi bilen buýsanýarys" diýip mälim etdi.
Çykyşynda, ekstremist terror guramasy PKK-nyň asuda halky gyrmagynyň hem üstünde durup geçen Rejep Taýýip Erdogan: "Terror guramasy PKK-nyň asuda halky gyrmagy bilen bagly kitap taýarlajak bolsak, Günbatarlylaryň ol atly, şanly ensiklopediýalarynyň göwrümlerini gowy geçeris" diýip belledi.
"Terror guramasynyň kellesini mynjyratmak, boýnumyzyň borjy ýagdaýyna geldi" diýip bellän Prezident Erdogan: "Garada başdan geçirilen gyrgynçylykdan soň hiç bir ýurt, gurama, gurluş ýa-da şahsyýet Türkiýäniň Yrakda we Siriýada geçirjek operasiýalaryna söz aýdyp bilmez.
Yrakdaky sebitleýin we merkezi dolanşyk bilen terror guramasyny dolulygyna ýok etmek boýunça ylalaşyldy.Puluny beren her kimiň ulanan kärende ganhor sürä öwrülen PKK-nyň soňky agzasy täsirsiz ýagdaýa getirilýänçä çenli göreşimizi dowam etdireris.
Gijeleriň birinde islendik bir ýerde terrorçylaryň depesine gonup biljek güýje, mümkinçilige we tutanýerlilige eýediris.Terrorçylar üçin ne Kandil ne Sinjar ne-de Siriýada ýerleşýän islendik ýerleri mundan beýläk howpsuz däldir.
Terror guramasy PKK-nyň içindäki aldanan ähli ýaşlara ýüzlenýärin, geliň bu kärende ganhor goşunyndan iň gysga wagtda azat bolalyň.Türkiýe Respublikasy döwleti çyn ýürekden puşman bolup, özi gelen raýatlaryna hoşniýetlilik bilen çemeleşer" diýip habar berdi.
Erdogan: "Mundan soň her kimiň öňünde iki ýol bar. Ýa Türkiýe bilen bilelikde hereket edip, terrora garşy emmasyz, bahanasyz ýol saýlar ýa-da bu eli ganly terror guramasynyň her jenaýatynyň jogapkäri hökmünde ilki bilen öz wyždanlaryna, soň bolsa halkara platformalarda jogap bererler" diýip mälim etdi.