Türkiyäniň prezidenti Rejep Taýýip Erdogan 30-njy awgust Ýeňiş baýramy bilen bagly gutlag ýüzlenmesini çap etdi.
Erdogan: "Şu gün Beýik ýeňişiň 102-nji ýylyny ählimiz bilelikde uly joşgunlyk, tolgunma we buýsanç bilen belläp geçýäris. Taryhymyzyň tankydy günleriň biri bolan bu möhüm günde eziz milletimizi, Kiprdäki türk doganlarymyzy we dünýäniň çar tarapyndaky millionlarça raýatymyzy 30-njy awgust Ýeňiş baýramy bilen gutlaýaryn" diýip belledi.
Erdogan: "Gazy Mustafa Kemal Atatürkiň Türk Milletiniň azatlyk we garaşsyzlyk pikiriniň ölme-ýitmez ýadygärligi hökmünde häsýetlendiren Beýik Ýeňiş, milletimiziň Anadoly topraklaryndaky barlygyny hemişelik ykrar etdi. 30-njy awgust Baş serkerdelik meýdan söweşi bilen basyp alyjy goşun çürt kesik ýeňilişe sezewar edildi, imperializmiň oky döwüldi we Respublikanyň jarnamasynyň gapylary giňden açyldy" diýip habar berdi.
Beýik Ýeňişiň şu günki gün hem özlerine ýolbeletlik edýändigini aýdan prezident Erdogan: "Türkiye Asyry maksatlarymyza tarap tutanýerlilik bilen ýöremek bilen birlikde, beýik we güýçli Türkiye idealymyzy ädimme-ädim hakykata öwürýäris" diýip nygtady.
Gaza başda bolmak bilen dünýäniň biri-birinden tapawutly geografiýalarynda çaknyşyklary, zulumlary we gyrgynçylyklary duruzmak üçin ähli güýji bilen tagalla edýändiklerini aýdan Erdogan: "Garaşsyzlyk ugrundaky uruşy bilen ezilen milletlere ylham bolan Türkiye, parahatçylygyň, adaladyň we asudalygyň höküm sürýän dünýäniň eýeligini ýerine ýetirer" diýip belledi.