Angliýanyň halkara “Oxfam” haýyr-sahawat guramasy soňky ýyllarda energiýa we azyk pudagynda iş alyp barýan kompaniýalaryň girdejileriniň görnetin ýokarlanandygyny mälim etdi. Şweýsariýanyň Dawos etrabynda geçirilýän Halkara ykdysady forumda bu barada maglumat berildi.
Maglumata görä, soňky iki ýylda bu iki ugurda iş alyp barýan işewürleriň girdejileri hem jemi 453 milliard dollar möçberinde artypdyr.Dünýäniň iň uly azyk öndürijileriniň biri bolan “Cargill” toparynyň agzalarynyň arasyndaky milliarderleriň sany bolsa, pandemiýadan ozal 8 bolan bolsa, häzirki wagtda 12-ä ýetipdir.
Pandemiýa döwründe dünýäde 573 täze milliarder peýda bolupdyr. “Forbes” žurnalynyň sanawyna görä, dünýädäki milliarderleriň umumy baýlygy 12,7 trillion dollar töweregi. Bu görkeziji global jemi içerki önümiň 13,9 göterimini emele getirýär.
Aýjemal Garryýewa, Türkmen döwlet maliýe institutynyň talyby